MICROSOFT LANSON WINDOWS MOBILE 6.5!

Kompania amerikane Microsoft, apo ndryshe edhe kompania më e madhe në botë për softuer, ka lansuar në tregun botëror versionin e ri të sistemit të saj operativ për telefona mobil - Windows Mobile 6.5.

Në këtë mënyrë kompania amerikane dëshiron që të mbyll korridoret dhe të rimarrë pozicionin e liderit në tregun e programeve për telefona mobil.
Në kuadër të softuerit të ri të Microsoft do të gjendet edhe shërbimi – my phone, shërbim falas për sinkronizimin e telefonit mobil me internet, në atë formë që të mundësojë arkivimin e fotografive, videove si dhe adresarit të kontakteve, në internet.

Programi i ri do të përfshijë edhe makinën e kërkimit Bing, të përshtatur për telefona mobil, bashkë më sistemin për bllokimin e telefonit nga distanca në rast të vjedhjes.

Kompania Microsoft premton një këmbim më të lehtë edhe të fotografive, siç thonë inxhinierët e kompanisë, se ky është edhe njëra ndër opsionet që njerëzit më së shumti e kërkojnë, bashkë me “dyqanin virtual” me aplikacione online, një model të ngjashëm më App Store të kompanisë rivale, Apple.