SUPER PIPO SHPËTON MILAN

AC Milan arriti të sigurojë fitoren e parë në Ligën e Kampionëve duke siguruar kështu 3 pikë si musafir, edhe pse hasi në vështirësi mjaft të madhe.

Në fitoren e AC Milan kundër Marseille padyshim se lojtari kryesor i ndeshjes ishte sulmuesi Filippo Inzaghi i cili shënoi dy gola për të treguar se ende është në formë në ndeshjen e grupit C të zhvilluar në Velodrome.

Italiani me përvojë, i cili barazoi rekordin e golave në kupat evropiane me gjermanin Muller, i dha epërsinë Milanit në minutën e 28 dërgoi topin në rrjet nga afërsia, pas një harkimi nga Clarence Seedorf.

Marseille barazoi rezultatin katër minuta pas fillimit të pjesës së dytë, kur mbrojtësi argjentinas Gabriel Heinze, ish lojtar i Real Madridit, dërgoi topin në rrjetë pas një harkimi të Cheyrou nga gjuajtja e lirë. Megjithatë, Inzaghi e qoi në epërsi skuadrën e Milan edhe njëherë në minutën e 74-të të ndeshjes, duke pranuar edhe një asist tjetër të bukur nga Seedorf, për t’i sjellë fitoren Milanit.