EVROPA DO TA NDALOJË PËRDORIMIN E IPHONE?

Komisioni Evropian ka kërkuar një shpjegim nga kompania Apple në lidhje me pajisjet iPod dhe iPhone, duke shtruar pyetjen se sa janë të rrezikshme ato për përdoruesit, pyetje kjo e cila ka lindur pas çështjes së krisjes së ekranit, në një numër të pajisjeve të tilla.

Kërkesa e Komisionit, organit ekzekutiv të Bashkimit Evropian mund të çojë në një ndalim të plotë për shitjen e këtyre pajisjeve në Evropë, shkruajnë mediat frënge. Komisioneri Evropian përgjegjës për mbrojtjen e konsumatorit, Meglena Kuneva, tha në një deklaratë se incidentet të tilla janë regjistruar me pajisjen e iPhone këtë verë në Francë, Britani dhe Gjermani.

Kuneva theksoi se aktualisht janë duke e bërë kryerjen e analizave për të përcaktuar shkakun e incidentit, dhe se në qoftë se disa prej vendeve në të cilat ka ndodhur do të njoftojnë se pajisjet janë të rrezikshme, atëherë ato do të kërkojnë tërheqjen e tyre nga shitja.

Apple ende e mohon dyshimin se ka gabime dhe thotë se në të gjitha rastet e mëparshme që janë ekzaminuar ekspertët e kompanisë ka konstatuar se incidentet ishin për shkak të presionit të jashtëm për pajisjen, e cila përjashton mundësinë e gabimit nga fabrika.

Kompania kanë rekomanduar se telefonat e tyre dhe plejerët e Apple, të mos i shfaqin në një temperaturë më të madhe se 35 gradë celsius për t’iu shmangur mbinxehjes, dhe eksplodimit eventual të ekranit. / foto: zkyo / 1 tetor 2009