Disk optik prej 320 gigabajt

Kompania TDK ka zhvilluar diskun optik me kapacitet të përgjithshëm prej 320 gigabajt. Për incizim disku përdorë teknologjinë pothuajse të njëjtë me atë të Blu-ray.
Mediumi përbëhet prej gjithsej dhjetë shtresave, (secili prej 32 GB), derisa shtresa përfundimtare është dukshëm më e mirë sesa tek prototipat e mëhershme.

TDK ka arritur kapacitetin më të madh duke ndryshuar përmasat e materialeve nga të cilat përbëhet sipërfaqja për incizim si dhe me shfrytëzimin e materialeve të ndryshme për shtresa të ndryshme.

Kompania ka për qëllim që të demonstrojë diskun e ri në panairin “CEATEC Japan 2009”, i cili mbahet nga java e ardhshme.