Rritet shitja e kompjuterve Mac

Për Apple nuk ka dhe nuk ka pasur asnjë lloj krize, shitja e kompjuterëve Mac është në ngritje të vazhdueshme dhe kjo kompani mban mbi 9 për qind të tregut të kompjuterëve në Shtetet e Bashkuara të Amerikës.

Sipas raportit të kompanisë analitike IDC të cilin e publikon portali AppleInsider, i cili është afirmativ ndaj Apple, për këtë kompani në asnjërin segment të afarizmit nuk ka pasur krizë.

Të dhënat për tremujorin e tretë të këtij viti tregojnë se shitja në krahasim me periudhën e njëjtë të vitit të kaluar është ngritur nga 1.47 milionë kompjuterë në 1.64 milionë, që është ngritje prej 11.8%.

Sa për krahasim, rritja e tregut të përgjithshëm të kompjuterëve në SHBA ka qenë 2.5%, kështu që Apple e ka tejkaluar trendin e përgjithshëm pesëfish. Mu për këtë arsye dhe pjesëmarrje në treg prej 9.4 për qind Apple është ngritur në vendin e katërt të prodhuesve më të mëdhenj të kompjuterëve, si HP, Dell e Acer.