Leshataku më i madh në botë hyn në operacion

Yu Zhenhuan, ka 32 vjet dhe 96 për qind të trupit të mbuluar me qime. Pasi që nuk ka arritur të merr një rol në filmin e dëshiruar, ka vendosur të ndërmarr një hap të ri, t’i nënshtrohet operacionit plastik.

“Njeriu majmun” ka qenë i bindur se pikërisht për shkak të qimeve të tij të shumta do të merrte rolin kryesor në adaptimin televiziv të filmit klasik kinez “Udhëtimi për në Perëndim”, në të cilin është dashur të luaj majmunin, mirëpo për habi të tij regjisori e ka refuzuar sepse nuk është tërheqës sa duhet.

"Kam menduar se jam kandidati më i mirë sepse dukem si majmun dhe pseudonimin madje e kam njeriu-majmun", ka thënë leshataku kinez.

"Kam lexuar një libër dhe kam gjetur një frizer profesional të më shndërrojë në majmun të vërtetë. Megjithatë, kam rënë në audicion sepse nuk jam dukur ‘bukur’ sa duhet”, ka shtuar ai.