EDHE MOTOROLA LIDHET ME ANDROID!

T-Mobile USA ka në plan të fillojë shitjen e telefonit të parë të prodhuar nga kompania Motorola, që përdor softuerin e kompanisë Google, dhe të cilin do ta lansojë në treg më 19 tetor.

Motorola Cliq do të kushtojë rreth 200 $ me kontratë dy-vjeçare, thuhet në komunikatën e T-Mobile, telefonia mobile e cila operon edhe në Amerikë. Blerësit që nuk janë tashmë klientët e T-Mobile do të duhet të presin për këtë model të telefonit, deri në 2 nëntor.

Cliq është produkt i parë që do të vijë nga Motorola si një përpjekje e cila do ta bëjë kthesën e kompanisë Motorola Inc, divizioni i telefonave mobil i së cilës ka vuajtur mjaft shumë që nga koha e publicitetit negativ të cilin e pati modeli i saj i mëhershëm RAZR.
Motorola është tani duke u përqendruar në bërjen e telefonave "të zgjuar" duke përdorur sistemin operativ të Google Inc, tashmë të njohur me emrin Android, për të konkurruar me iPhone nga kompania rivale, Apple.

T-Mobile tashmë shet dy telefona “të mençur” të bazuar në sistemin operativ Android, të prodhuara nga kompanitë e njohura të telefonave mobil si HTC, dhe Nextel Corp, kjo e fundit tashmë ka paralajmëruar një telefon të ri në treg, të cilin do ta lansojë më 11 tetor.