Kompjuter nga Sony me ekran të ndjeshëm në prekje

Kompjuter nga Sony me ekran të ndjeshëm në prekje



Gjiganti japonez i elektronikës shpenzuese ka paraqitur kompjuterin e tij të parë “të gjitha në një” me ekran të ndjeshëm në prekje.

Sa i përket karakteristikave teknike, seria e re e linjës së kompjuterëve “të gjitha në një” nga Sony L-Series është e pajisuar me procesorin Core 2 Duo E7500 (2.93GHz), ekranin 24-inçësh widescreen (1.920 x 1.080), 4GB RAM, 1TB HDD, kartelën grafike Nvidia GeForce G210M, rrjetën pa tela WiFi b/g/n, writer Blu-ray, dy tunerë për televizor, kamerë uebi dhe Bluetooth.

Ajo që vlen të përmendet si gjëja më interesante në këtë kompjuter është ekrani i ndjeshëm në prekje, me të cilin përdorimi i multimedias në të bëhet me një dimension krejtësisht të ri.

Nuk është bërë e njohur kur kjo serie e kompjuterëve të Sonyt do të paraqitet në treg, mirëpo ajo që dihet se çmimi do të jetë i kripur dhe do të kushtojë 1.840 euro.