LENOVO PREZANTON NJË "NETTOP" INTERESANT!

Në pasditen e ditës së djeshme, kompania Lenovo u ka dhënë fund spekulimeve rreth lansimit të modelit të kompjuterit Idea Centre Q, serisë së mini desktopëve të cilët janë të bazuar në sistemin operativ Windows Home Server.

Modeli i koduar me emrin Q110 është is modeli i parë i nettop të prodhuar nga Lenovo ndërsa në të ka të integruar edhe çipin NVIDIA Ion, duke i dhënë energji të mjaftueshme këtij kompjuteri për të dekoduar 1080p në harduer, si dhe të kryejë funksione mjaft të avancuara si enkodimin e video materialeve dhe përmbajtjes 3 dimensionale.

Për funksionet e tjera ende nuk dihet saktësisht, mirëpo dalja e videove në formatin HD është e sigurt, pasi që e njëjta bazohet në çipin e Intel Atom i cili duhet të kushtojë rreth 349$. Për ata që dëshirojnë që modelin e ri të Lenovo’s ta blejnë për një çmim më të lirë, duhet të llogarisin se prodhuesi do ti eliminojë disa nga karakteristikat e avancuara që i përmban ky model.